საკუთარი პედაგოგიური პრაქტიკის კვლევა

გარემოსდაცვითი ცნობიერების ამაღლება მე-5 კლასში ბუნებისმეტყველების სწავლებისას

დედამიწის დღე

 თითქმის ნახევარი საუკუნეა კაცობრიობა ყოველწლიურად, 22 აპრილს აღნიშნავს დედამიწის საერთაშორისო დღეს. მთელ ცივილიზებულ სამყაროში - ეს უკვე საყოველთაოდ  აღიარებული ტრადიციაა.  

    ეს დღე ამერიკელმა სენატორმა გეილორდ ნელსონმა მას შემდეგ დააარსა, რაც 1969 წელს     სანტაბარბარას საბადოდან ნავთობი დაიღვარა, რამაც ოკეანის დაბინძურება და წყლის ბინადართა განადგურება გამოიწვია. ამ დღის აღნიშვნაში მონაწილეობა 20 მილიონზე მეტმა ადამიანმა მიიღო.

     ყოველ წელს ამ დღეს  მილიონობით   ადამიანი მსოფლიოს 192 ქვეყანაში აღნიშნავს.    

  საქართველოში დედამიწის დღე 1990 წლიდან აღინიშნება.

ყოველდღიურად გავუფრთხილდეთ ჩვენს დედამიწას, ვიზრუნოთ ჩვენს გარემოზე!

    ,,დაე, სამარადისოდ იდღეგრძელოს პლანეტა დედამიწამ, რამეთუ ბუნების ძალამ, ვინ, იცის, იქნებ მთელ კოსმოსურ სამყაროში მხოლოდ ის შეამკო უამრავი ფორმით გამჟღავნებული სასწაულით-სიცოცხლით, ამ სიცოცხლის გვირგვინად კი შექმნა ადამიანი, რომელსაც ერთადერთს ხელეწიფება თავისი თავის, ბუნების, მთელი სამყაროს მშვენიერების აღქმა.“

  ,,მაშ, იამაყე,

მაშ, განიცადე!

სიცოცხლე არის მხოლოდ მიწაზე,

სიცოცხლე არის მხოლოდ მიწაზე,

ყველა სინათლე,

ყველა სისავსე,

ყველა სხვაობა, ყველა მსგავსება,

ყველა დაშრობა, ყველა  გავსება,

ყველა ატყორცნა, ყველა დაშვება...

მხოლოდ მას ერგო ეს დაფასება,

სიცოცხლე არის მხოლოდ მიწაზე,

მხოლოდ მის გაშლილ გულის ფიცარზე,

სიცოცხლე არის მხოლოდ მიწაზე“.

           გარემოს დაცვის მსოფლიო დღე (World Environment Day - WED) ყოველ წელს, 5 ივნისს აღინიშნება.

1972 წლის 15 დეკემბერს გაეროს გენერალურმა ასამბლეამ 5 ივნისი გარემოს დაცვის დღედ გამოაცხადა. ამ დღეს სტოკჰოლმში გაიხსნა გაეროს კონფერენცია, რომელიც მიეძღვნა ადამიანის საარსებო გარემოს პრობლემების განხილვას.

გაერთიანებული ერების ორგანიზაციის ინიციატივით, „გაეროს გარემოსდაცვითი პროგრამა“(UNEP) ყოველი წლის 5 ივნისს უძღვნის ერთ-ერთ გარემოსდაცვით საკითხს.

პირველად გარემოს დაცვის დღე აღინიშნა 1973 წელს, რომლის თემაც იყო „მხოლოდ ერთი დედამიწა“. 1974 წლიდან ამ დღის აღსანიშნ ღონისძიებებს მსოფლიოს სხვადასხვა ქალაქი მასპინძლობს.

        გარემოს დაცვის დღის აღნიშვნა მიზნად ისახავს ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისათვის ხელშეწყობას და გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.